鄭融唱盡四季爆走負能量

今年是鄭融推出她第10張專輯，為更具紀念性，唱片公司決定推出非一般精選碟，於鄭融過去9張專輯再選歌曲，鄭融表示：「已經到第十張碟，大家都覺得係啱時機出張精選碟，通常一年入面歌手會派四首歌上台，所以索性就主力做四首派台歌，再加精選舊歌入去。」據知單單以前的歌曲版權費便花費近七位數字？鄭融坦言：「今次公司係好大手筆，將我之前兩間舊公司嘅歌曲都買番晒版權，所以，今次呢張精選碟係好難得。」

鄭融透露為這張專輯從構思到選歌參與不少意見，會像一本雜誌，用春夏秋冬來給歌曲分類，輕快火辣歌曲就會想到夏天，失戀心碎的寂莫戀曲便想到冰冷冬季，現最傷腦筋是舊歌曲目不少，唱片公司考慮若最終篩無可篩或會推出兩個版本。六月將會拍封套，重拍一些經典造型，讓歌迷再次重溫一番。

釋放感情

至於新歌《爆》歌詞是黃偉文（Wyman）手筆，鄭融稱並非首次唱Wyman作品，第一隻碟Wyman只看了她一張Cool爆宣傳照，便寫了首《嬲爆爆》給她，現到十年後這首《爆》，就是去教大家要釋放，鄭融謂：「將啲唔開心嘅事同回憶放埋一邊，以為唔理佢就得，其實係擺咗個計時炸彈喺身邊隨時會爆。（以前嘅你？）以前係容易唔開心，就會收埋自己，變咗同人隔離咗，依家識諗咗，要將唔開心釋放出嚟，有位空出嚟先有位接受新嘅嘢。」

文：音樂組

攝：吳文聰

髮型：Kate@Hair Culture

化妝：Vinci

服裝：Pink Martin/Dear Bell