陳敏之為突破 埋沒「長」處

陳敏之的43吋長腿向來是個人標記，不過她為了不想被定型，於新劇《熟男有惑》全程封腿上陣，飾演律師的她就連及膝裙都不穿。她說：「做咗咁多年都想角色有變化，唔想成日做靚女、騷長腿，怕被定型。其實我平時出街都唔會咁打扮，所以拍呢套劇時，我都同監製講，如果冇乜需要，我就唔露腿。喺劇入面，我剩係着長褲，想畀大家一個唔同嘅感覺。」敏之加入無綫多年備受力捧，問想爭取甚麼？她坦言是休息時間：「休息時間愈多愈好，身體好緊要，拍一個通宵真係回唔到氣。」

初演未婚媽媽

敏之於《熟》劇與郭晉安飾演鬥氣冤家，最後更馴服了安仔這座「冰山」。雖然角色甚有發揮，不過敏之要獻出寶貴第一次——首次飾演母親，更是未婚媽媽。她笑謂：「我第一次做人阿媽，不過唔介意，因為年紀開始成熟，就算真實年齡，都應該做咗。」問現實中會否抗拒做未婚媽媽？她說：「接受到，但當然最好係有計劃，我絕對唔介意。婚姻方面亦唔使太傳統，着晒裙褂接新娘我會覺得好娘，我唔係幾enjoy呢啲，可能我見過太多婚禮，嗰種辛苦，係冇乜樂趣。陳豪、陳茵媺呢個結婚方式絕對係我嘅style。」

郭晉安與陳敏之於新劇飾鬥氣冤家。（資料圖片）

拍拖八年的陳敏之有意與男友拉埋天窗。

憧憬簡單婚禮

與男友拍拖八年的敏之坦言有計劃結婚，她自爆十多歲時夢想有童話式的婚禮，但加入娛樂圈後，又覺得若搞得太複雜反而麻煩。她笑言：「慶幸我另一半唔係圈中人，我哋鍾意陽光海灘，所以郭羨妮都有提議我去關島搞婚禮。我係教徒，我想結婚時喺教堂舉行，親戚唔會多請，只係雙方家長就夠，最好嘅朋友飛到嚟就嚟，好似一個聚會咁。」

文：影視組

攝：沈健程

鞋：INNIU

場地：A la maison