樂瞳拒陪老細認輸蝕

無綫小花樂瞳早前在劇集《情越海岸線》中再做阿妹，飾演主角黃浩然的反叛大學生胞妹，終日發歌星夢到處抓撈，結果被騙十幾萬元卡數，又被音樂監製沈震軒非禮，多次闖禍要家人執手尾。她直言現實中時常警愓未試過被騙：「我家教好嚴，最大膽已經係當年參加歌唱比賽，就算想入行，都只會循正途，好好彩我冇試過被非禮，可能性格比較倔，唔會畀人錯覺，而且會即刻制止對方。」

眼看不少圈中人因出位言行上位，亦有女星靠「潛規則」拉關係，樂瞳仍堅持自我，不屑與此為伍：「我唔會周圍識老細或者同陌生人傾偈，面皮好薄，最多會同相熟監製講吓不如用我啦！我知身邊有人因為識Social掂咗，但我改唔到自己性格。（被動輸蝕咗？）都係o架！係少咗好多機會，不過我信上天安排，唔係你嘅夾硬畀你做，都未必係好事。」

演得又唱得的樂瞳有望今年出唱片。

樂瞳（右二）在《情》中飾演主角黃浩然（右）的反叛大學生胞妹，並多次闖禍。

今年再出碟

年前曾推出唱片的樂瞳，有望於今年內再次出碟，她表示在《情》劇中有多場唱歌場面，很高興可讓觀眾再記得她其實也懂得唱歌：「監製安排我喺劇入面唱兩首英文舊歌，希望配合到宣傳啦！最緊要令大家記番起我唔只係演員，仲係一名歌手。」

採訪：立影

攝影：謝國華

髮型：Bowie＠chin.G

服裝：rosebullet

場地：Vegas360 Aso Spa