李佳芯：做祥仔對手好幸福
前有線靚女主播李佳芯（Ali），轉投無綫後，獲派主持資訊節目《學是學非》，但Ali期望可與視帝黎耀祥結劇緣，她說：「我好想同視帝黎耀祥合作，就算要我做路人甲都願意，因為我聽好多同佢合作過嘅演員都讚佢好識帶對手入戲，做佢對手好幸福！只要望住佢對眼，都自自然然入咗戲，『戲祥』好勁，唔係浪得虛名！就算我唔係有對手戲，只要有得同場觀摩『戲祥』演戲都好開心。以前我做體育節目嗰陣，間中都有扮吓嘢，玩吓cosplay宣傳節目，我都幾鍾意扮演唔同角色。如果有機會，我想拍古裝，做打女、奸角，最緊要係有挑戰性。」
Ali又期望與有線過檔無綫的舊同事黃翠如、梁嘉琪、陸浩明合作，她說：「我都有留意佢哋嘅工作同演出，之前我仲同陸浩明拍咗啲節目宣傳片，轉咗新公司可以見番啲舊朋友，感覺都幾特別。」
攝影：李廣成
場地：apm