泳兒性感大解放自爆「房事」
泳兒出道7年多，一直給人斯文印象。為求突破，泳兒決定豁出去，實行性感大解放，更在新碟自爆「房事」，誓要令歌迷耳目一新！
歌手泳兒自出道以來，鄰家女孩形象深入民心，為求突破她誓要大解放，在新碟中自爆閨房事，讓歌迷深入泳兒最私密的世界，她說：「今次隻碟講我睡房，歌詞圍繞睡房嘅嘢，瞓覺、發夢、幻想有另外一半，有比較深入同另一半一齊嘅情景，揀睡房呢個私人空間，歌迷可以更親近泳兒。」
問到可有閨房秘密？泳兒笑言：「隻碟又唔係寫好多有關我嘅嘢，都係普通女仔會做嘅嘢，（有同男朋友嘅房事？）冇話好詳細寫同男朋友嘅事，有首歌寫同愛人一齊時可以將所有嘢放低，變成一個真實嘅自己。」
騷到骨子裏
歌手要改變首要當然從歌曲着手，給人「慘情歌姬」印象的泳兒，決定新碟嘗試佻脫、騷到骨子裏的風格：「今次音樂風格偏向迷幻，有啲開心啲、有啲佻脫，之前唱慘情歌多，愛情歌今次唔會太多，算係新改變，初初會擔心歌迷接受唔到，用騷在骨子裏感覺唱，諗會唔會唱得太over，但派台反應幾唔錯，如果試新嘗試就要豁出去。」
罕有賣大包
「有料之人」泳兒更罕有賣大包，新碟形象以性感示人，大方以低胸裝上陣兼露美腿，問到會否擔心惹人遐想？她說：「性感唔一定要暴露，並唔代表着得少衫，（網民話重口味？）每個人口味唔同，如果唔創新會好悶，我用自己嘅尺去量度，唔過自己底線就OK。」
採訪：音樂組
攝影：沈健程
服裝：Blind by JW@Novwlty Lane
首飾：Voulez Vous
髮型：Ziv.Y C www.Pi4.com.hk
化妝：Cyrus Lee