娜姐增磅拔刺等人愛
早前傳為情激瘦至見骨的「宅男女神」周秀娜，昨日狀態回勇谷胸上陣出席活動，提到男士會否不敢埋身，即笑稱自己不是刺猬或玫瑰花，身上沒有刺，隨時迎接新戀情！
周秀娜（Chrissie）、名模馬詩慧（Janet）及女兒王曼喜（Kayla）、莊思敏與Super Girls等昨日一同出席shu uemura活動。谷胸上陣的Chrissie透露近日成功增磅，被記者讚她狀態回勇時，她笑言要保持挺胸收腹，難以呼吸。
異性緣變強
問到是否為吸引異性？她即否認其事，並說：「單身都幾好。依家成日喺香港，多咗同朋友出街食飯。（同男定女？）男性朋友多過以前。（有發展空間？）唔知，係朋友。我自己遲鈍啲，識多啲朋友冇所謂。（啲人唔敢埋身？）我唔係刺猬，又唔係玫瑰花，冇刺o架。我係圓嘅，唔會拮親。」她表示隨時迎接新戀情，笑言感情就像化妝或護膚，要嘗試新產品，但強調自己絕不心急拍拖。問到舊愛陳偉成有否要求翻撻？她回應：「冇，我冇食撻。」
莊思敏發福
而Kayla被問及與衞蘭前男友Roger傳緋聞一事，她表示二人只是朋友關係。問到拍得他們拖手？她尷尬回應：「幾時有拖？我唔記得。」身旁的Janet即為女兒解圍說：「我都成日拖我啲朋友。（有冇見過Roger？）淨係見過相。（畀囡囡識男仔？）識男仔好正常，必經階段。」而問到Kayla有沒有追求者時，她先答沒有，但後來卻坦白說：「可以算係有人追，但係慢慢嚟。」
性感上陣的莊思敏則表示最近常被人指發福，坦言想吃減肥藥減磅。問到是否有愛情滋潤而心廣體胖？她回應：「依家冇人追，肥咗唔敢約朋友食飯。」另外，她表示將參演一部警匪片，更會飾演女警。
文：名人組