Naomi凸襲MK扭波波

性感女星Naomi（馮鎵瀠）日前與主播莫家淦及鍾健威到旺角錄影有線節目《賺大錢》，變身扭波師傅向市民派氣球，吸引不少途人索取！期間她向專業的扭波師傅挑機，於限時內鬥扭波，好勝Naomi勁投入跑來跑去，身穿薄衣的她胸前濕透，一度疑似凸點，問到會否覺得太性感？她說：「唔覺呀！都冇騷事業線，係流汗透咗啲啫！我啲Fans好乖嘅。（凸點？）應該係乳環！」最終Naomi只比專業師傅扭少兩個波，成績算是不俗，難怪她笑言標晒汗有價值：「扭波好難呀！綁結好難，手指夾得好痛，自己指甲又長，加多咗難度，但好開心學識扭波，最近好多朋友結婚同生ＢＢ，可以請我嚟助興！」

絕招贈黃榕

提到今年沒有打算推出寫真，Naomi表示會全力支持好友黃榕出戰，並笑言做旁觀者心情更輕鬆：「我過咗三條勁爆嘅橋畀佢，唔公開住，廢事其他o靚模抄橋，不過佢哋唔夠黃榕鬥o架喇！返屋企啦！」她又透露與林敏驄早前拍攝的微電影《蒲李老祖》已在網上播出，片中她扮女僕抹地，卻被阿聰偷影露黑底，她笑言不會介意：「當時係唔知，但冇所謂，我係靠性感上位，今年唔出寫真，就喺其他地方性感下！」對於他們片中大講粗口，Naomi直言好過癮：「大家都講我咪講埋一份囉！我又不嬲講得唔差！」

文：影視組