梁漢文腳傷 返港急入院

梁漢文（Edmond）上周四和太太、郭偉亮（Eric Kwok）、葉佩雯（Grace）等人起程到蘇梅島度假，豈料在旅程最後一天樂極生悲，Edmond和Eric Kwok在酒店外的沙灘玩獨木舟時發生「爆缸」意外，Edmond跳水時左腳腳板被尖石割至皮開肉爛，狀甚恐怖！

工作受影響

眾人昨日從蘇梅返港，下午三時四十分，Edmond老婆與助手率先步出離境大堂，Edmond則由機場職員推着輪椅現身，Eric Kwok兩公婆就推行李車殿後。左腳板包住紗布的Edmond表示：「其實喺嗰邊縫咗針，打咗破傷風針，依家去瑪麗醫院double check，等教授檢查吓。」並稱未知會否影響工作：「嚟緊要做阿Mark演唱會，BIG FOUR又要走埠，都幾麻煩。（坐輪椅上台？）唔知未諗呢樣嘢住，睇吓醫生點講先。」他又指未考慮要求酒店賠償：「有人話我應該告佢哋，不過我唔搞啦，冇時間搞呢啲嘢，返嚟做嘢先。（有冇影響心情？）幾好吖，最後一日先衰，都開心咗幾日！」傍晚時分Edmond再次更新微博叫大家不用擔心。

梁漢文太太忙於打點一切。	坐輪椅的梁漢文要由人扶着上車。	葉佩雯、郭偉亮殿後出機場。

Grace晒泳裝

目擊事發經過的Eric Kwok就笑說：「其實我哋撐到好遠，以為個海好深。Edmond坐我前面潑晒啲水落我個頭度，我就話不如調位，點知佢一跳落海就爆晒血。嗰刻我feel到所有鯊魚衝緊埋嚟，佢上船之後，我就好快咁撐番埋岸。」Grace則說事發當時正和Edmond太太曬太陽：「我哋淨係見到一堆人衝去沙灘尾段，抬住一個人，我仲心諗唔係佢（Eric Kwok)！好彩最後一日先發生，不過都打亂咗個plan，本來諗住去射槍。」雖然發生意外，但明顯無損眾人心情，人妻Grace更在微博上載罕見的自拍泳衣照，未知是否回響太大，未幾照片即被刪除。

文：音樂組