鄒凱光當GD係阮民安

集導演、編劇、演員和DJ多職於一身的鄒凱光（灘叔），其一連五場的Talk Show前晚舉行尾場，獲官恩娜、連詩雅、卓韻芝等捧場。灘叔請女觀眾上台玩遊戲時大講不文笑話：「唔使驚， 唔痛o架！」他又公然寸韓星G-Dragon：「我鄒凱灘係香港人，咩G- Dragon，我當佢係Tommy（阮民安）咋！」但就換來全場掌聲。
鄒凱光前晚在台上表情多多。
鄒凱光前晚在台上表情多多。

灘叔又在台上感激母親多年來的支持，講到最後終忍不住哭着說：「五場我捱得過，我今日大個仔喇！」完騷後受訪時，灘叔指母親前晚有來睇騷，並笑言：「佢睇咗三場，喊到好似跌咗銀包咁！」

左起：卓韻芝、官恩娜及連詩雅齊捧灘叔場。
  • 左起：卓韻芝、官恩娜及連詩雅齊捧灘叔場。