白健恩電梯驚魂嚇破膽
白健恩早前憑無綫劇集《法網狙擊》的奸角成功上位，不過舞台劇演員出身的小白最希望拍鬼片。他說：「因為我好鍾意神神怪怪嘅嘢，而且呢啲嘢唔係咁易遇到，如果我拍咗就好似喺我生活中發生過一樣。」
小白自爆人生唯一一次靈異事件：「我2011年嗰陣排緊一部講鬼嘅舞台劇，有一晚12點幾做完嘢返屋企，入大堂嗰陣見到個婆婆拎住紅白藍膠袋入電梯，我見到有電梯就跑過去。我喺道門未閂晒時候撳掣，門一打開，部電梯入面係冇人！嗰刻我都唔識驚，跟住冇理仲照入，不過一閂門就開始驚，跟住後面傳出啲膠袋聲，我開始毛管戙，亦唔敢轉頭望，希望快啲到，好彩之後都冇事。」問睡覺時會否害怕？他自稱是睡寶寶：「唔驚，我一撻落床就瞓得着。」