張國強遭朱璇色誘
藝人張國強（KK）昨日在清水灣為保健產品「衍生至尊感冒止咳沖劑」拍攝電視廣告，一身李小龍打扮的KK手執「東亞病flu」牌匾，大玩李小龍名句的諧音：「中國人，唔係東亞病flu！」創意十足！已是第二年為品牌拍攝廣告的KK，對酬勞非常滿意，他亦表示一向有服食保健品的習慣：「佢哋畀產品我試，都係中藥成份，我覺得中藥先啱中國人，自己都幾怕食西藥！」
此外，KK大爆在新劇《情越海岸線》中會和朱璇有情慾戲：「佢會色誘我，不過以電視嘅尺度都唔會好激嘅！」對於《情》劇收視高過重頭劇《金枝慾孽貳》，KK就笑言：「唔知呢！近排成日落雨，有陽光與海灘睇吓，觀眾會開心啲嘅！」