久休復出的藝人鄭敬基與歌手官恩娜（Ella）昨日一同拍攝電視劇，鄭敬基坦言一直有留意香港的電視劇，亦有看到有關前女友鄧萃雯轟《金枝慾孽貳》飛紙仔，而引起編審周旭明反寸她如老鼠急跳船的報道。他表示：「佢哋兩個都係緊張香港嘅電視劇。（聽講雯女情緒病翻發？）我諗冇咁易，我認識嘅佢好tough，見佢微博都好開心。（有冇聯絡？）冇。」
