詹瑞文MJ上身 旺角自摸
詹瑞文和盧海鵬下月中將舉行兩場《詹瑞文盧海鵬紅館奇幻扮嘢大典》，前晚兩人分別以MJ（米高積遜）和羅文造型到旺角造勢，造型維妙維肖，詹Sir霸氣地表示︰「今日嚟旺角踩場，聽聞有好多街頭賣藝者，大家比併吓！好似話有個扮MJ嘅阿伯好堅喎，咪踩佢場！」
兩人直搗街頭賣藝者的檔口，正在賣唱的一男一女見到詹Sir和鵬哥即恭請他們一同jam歌，旋即吸引過百市民圍觀。鵬哥大唱羅文名曲《心裡有個謎》和《獅子山下》，詹Sir則在旁和唱和伴舞，又不時MJ上身自摸下體。有圍觀者點歌叫鵬哥唱《激光中》，鵬哥搞笑回應︰「你到時嚟睇我咪會唱囉！」
金色底褲着面
將金色底褲當面褲着的詹Sir又表示唔怕畀人抽水︰「成身盔甲應該揩唔到油，下面都裝咗嘢，幾金！」兩人天黑都戴住黑超，問到怕唔怕仆親時，詹Sir笑言：「唔緊要，pk呢啲香港人成日都有，我都係普通香港人啫！」
文：音樂組