閻奕格駱振偉岑寧兒 帶nowtv觀眾開眼界

這次紐約之旅，Janice走進人群，先與地鐵站內的街頭藝術家jam歌，之後更發現一群自稱「Guardian Angel」自發為地鐵維持治安的巡邏隊，令Janice感受最深的是在資本主義的紐約中，體會到人情味。Janice更為觀眾介紹美國著名的餐車文化，更變身餐車女店員，落手落腳售賣台式便當：「佢哋好有生意頭腦，一架van仔麻雀雖小五臟俱全，依邊生意唔好又可以去第二度做生意！」Janice曾在紐約附近城市讀書，自問對紐約絕不陌生，但這趟就令她看到紐約不同的一面：「每個地方都有佢好華麗、高級嘅一面，但想真正吸收到佢哋嘅文化，就一定要生活得接近當地人！」

感官大衝擊

宗教味道濃厚的印度，由Yoyo負責導航。當地人的衣食住行都離不開已被嚴重污染的恒河，坦言不敢在恒河洗澡的Yoyo對他們的堅定信念感受甚深：「人信念真係好強大！即使隔籬有人洗緊衫、沖緊涼，佢都仲會喺度刷牙，因為佢哋好相信河水係神聖同潔淨嘅！」Yoyo更參加了印度電影工業Bollywood的演員訓練班，學習音樂和舞步。Yoyo笑言整個旅程對她的「刺激」非常大：「嗰度會燒香，又有好多牛屎，成個行程對我味覺、嗅覺、視覺嘅衝擊好大！」而另一個「刺激」，是Yoyo見證到這傳統國家逐漸破舊立新：「佢哋以前啲女仔結婚，父母送大量金器畀個女出嫁，如果黃金愈多，男家就愈覺得有面，男家可以因為啲金少而退婚，但依家開始有自由戀愛，呢個係難得嘅進步！」

美景永難忘

玻利維亞是近年新興的遊旅地點，拍攝時適逢當地的一年一度的歐魯羅嘉年華，令Thor有機會穿上傳統服飾和當地的巡遊隊伍共舞，感受熱鬧氣氛。Thor又認識到當地的業餘女摔角手，更和她在擂台較量。講到最難忘的，始終是遊覽有「天空之鏡」稱號的Uyuni鹽湖，雖要經過一段顛簸的車程才到達，但Thor直言幾辛苦都值得：「真係好靚！靚到淨係識得『嘩』！」他還表示將來結婚，定要到鹽湖拍攝婚照！而讓Thor最感慨的，是希望從緊繃的都市生活中，學習玻利維亞人的隨性：「佢哋可以飲醉咗就咁瞓喺部車上面，香港人成日都好有秩序、好有規矩，其實好需要學習放鬆自己！」

播映時間：逢星期一10:30pm

播映頻道：now 101台

文：影視組

攝：林楠

場地：Hooray Bar & Restaurant