陳慧琳:新人難做

天后陳慧琳(Kelly)和謝安琪(Kay)、張繼聰等前晚在將軍澳電視城為慈善節目演出,提到太陽娛樂旗下歌手陳慧敏及J.Arie的表演突然被out,Kelly驚訝表示不知情,但坦言新人難做:「依家舊人歌手宣傳都係靠YouTube同靠自己,新人就慘啲,靠唔到自己!」Kay則指不清楚內情,不便評論。

此外,Kelly談到助手Leo再次被拍到和鍾楚紅外出一事為助手辯護說:「放過佢啦,段料好流!(可能係真呢?)咁就真係低估咗紅姑!」而Kay和張繼聰夫婦檔同場演出,但二人迴避碰面免尷尬。節目接近尾聲時,張繼聰跟導演羅馬女兒、現職歌手的羅藍亞合唱,但大會擺烏龍,在張繼聰出場時,字幕卻寫上「羅藍亞」,幸及時更正。