JW出糧靠黎明

前晚JW出席手袋品牌MCM香港娛樂行旗艦店開幕兩周年慶典，其他出席嘉賓還有雷頌德、許志安及甘國亮等。是次品牌還呈獻藝術跨界系列，與流行藝術家Craig and Karl合作的Eyes on the Horizon，並與12位藝術家合作演繹，展出多款經典Cognac Visetos系列手袋。

「錢方面唔擔心」

JW去年與某時裝品牌合作拍攝宣傳MV，但最後被拖數，其所屬公司已入稟追討。對此JW表示知情，但不會過問，強調非常信任公司，並說：「行政上公司負責，我嘅部分只係唱歌，（擔唔擔心拖數會冇糧出？）呢個唔使我擔心，（公司有冇同你講？）畀番佢哋做，我知呢件事發生，但冇人提起過，公司唔會畀我擔心。」

JW（右）為黎明旗下藝人。（資料圖片）

甘國亮讚品牌與藝術家跨界合作。

記者再問JW被拖數會否影響其收入？她笑說：「OK，錢方面我哋唔擔心，錢銀唔係問題，（乜都信公司，唔會過問？）公司有佢哋嘅制度，點出糧佢哋都會分配好，不過我唔知出幾多糧，啲數好整齊，總之生存到。」她又笑謂自己讀書有修讀會計，故計數很叻。

雷頌德正籌備六月的演唱會。

MCM大中華業務發展及營運總裁簡健英（左）親身迎接許志安。

談到老闆黎明與樂基兒離婚，問JW有否與樂基兒聯絡？她說：「好耐冇見，（佢最近返咗香港，黎明心情有冇受影響？）我都好耐冇見佢（黎明），佢忙做自己嘢。」

甘國亮自嘲奄尖

同場的甘國亮就表示十分欣賞品牌是次與藝術家的跨界系列，認為能增加趣味及噱頭，又讚品牌常給他限量版手袋：「佢哋知我奄尖，我唔介意朋友聽到我咁講，因為人大咗，身體負擔唔到咁多嘢，所以我唔會用太大嘅袋，有時收到啲禮物都會送畀人，唔好浪費。」

文：名人組