「索腿天后」陳敏之昨日出席活動時，提到有傳她有份演的新劇《My盛Lady》為救收視，原定明年推出提早至今年播出，她表示：「啱啱先開始拍外景，冇咁快。」她坦言經常被劇中演員黃子華的搞笑演技笑到流眼水，又大讚對方：「我知道有呢套劇即向監製自薦，第一次同佢合作，佢喺我心目中係神級嘅演員！」
同場的谷祖琳（圖左）以低胸示人，她笑言並不太性感：「普通咋喎！（做咗媽咪唔會保守啲？）冇乜特別心態，出活動梗係想靚啲。」
