薛凱琪師妹唔啱用被無綫Out走
有指薛凱琪與師妹J.Arie、陳慧敏因無綫內部權力鬥爭，慘成炮灰被飛《勁歌金曲》的錄影及慈善節目演出。昨午節目監製何小慧與陳百祥（阿叻）出席慈善節目拜神儀式，何小慧強調無綫用人有機制：「咁啱覺得J.Arie同陳慧敏唔啱用，不過真係唔知點解突然抽起唔用，亦唔會特別去問原因，而薛凱琪就係太陽娛樂決定唔嚟嘅。」不過她指J.Arie早前預先錄影的環節亦將如常播出，而薛凱琪原定環節就會延長美國泡泡大師演出以補空缺。問到會否因此列薛凱琪入黑名單？何小慧道：「唔會有呢樣嘢，依家暫時唔用之後可能又用番，我哋會同黃柏高溝通。」
太陽娛樂發言人昨日接受電話訪問，亦承認無綫抽起陳慧敏：「係取消咗佢嘅演出。（邊個頂佢？）唔知呀，同TVB嘅嘢暫時都唔會再有任何回應。」無綫方面則承認找來星煥國際旗下歌手吳若希頂替陳慧敏演出。
另外，阿叻透露下周會跟無綫開會商討世界盃事宜，並覺得免費電視能播22場賽事已不錯。提到華懋戲院結業，他坦言經常與黃杏秀去睇午夜場。