朱玲玲露口風做阿嫲玩B
霍震霆及朱玲玲所出的兒子霍啟剛與「跳水公主」郭晶晶造人成功，惟因未夠三個月而未能公布，不過昨晚「準嫲嫲」朱玲玲現身活動時就掩不住喜悅，口快快露了口風，承認將快榮升「嫲嫲級」，又笑言會幫手玩BB。
昨晚一年一度的「2013慧妍雅集"愛世界"慈善晚會」隆重舉行，不少歷屆港姐也有現身撐場，其中「最美麗港姐」朱玲玲穿着黑色透視旗袍配珍珠頸鏈，高貴大方！早前本報率先報道霍啟剛及郭晶晶造人成功，記者即時恭喜她榮升嫲嫲，她聽畢即笑不攏嘴說：「你哋問番佢哋，咁大個人，（你笑得咁開心係咪真係做嫲嫲？）邊個做嫲嫲唔會開心到笑，（準備咗乜嘢迎接BB？）冇諗喎，都冇乜嘢準備，大肚嘢問番佢哋啦！（你會唔會幫手湊BB？）幫手玩就得！」記者笑問是否怕傳統未足三個月BB會小器？她口快快回答：「係囉，不過佢哋咁大個人自己宣布結婚，就由佢哋宣布番BB嘅事啦，我唔係代言人！」她表示自己有三個兒子，未試過有女兒，但仔女都沒所謂，至於想二人生多少個？她續說：「任佢哋啦，依家做父母好大壓力，未必生好多，（會送咩禮物？）未到呢個程度，會送有意義嘅嘢！」
幫BB影相好玩啲
此外，朱玲玲又透露現時晶晶京港兩邊走，還時常飛來飛去，昨天就剛飛到天津，至於有否叫晶晶留意起居飲食？她說：「唔係大肚先留意，平時都要，（同佢打羽毛球強健身體？）冇呀，我都少打咗！」問到愛好攝影的她會否替晶晶拍大肚寫真？她笑說：「冇諗過，不過要影都影BB，好玩啲！」
曹敏莉巨肚凸現
而今屆會長曹敏莉與袁彩雲同樣腹大便便出席，懷孕四個月的她與懷孕七個月的袁彩雲肚子差不多大，她笑說：「我有咗兩個月個肚已經收唔埋，但又要三個月先講得；預產期係九月底十月頭。」她又謂未考慮會否封肚，因為小朋友是一種緣分。
文：名人組