關之琳明戀時代 要愛得張揚
人人都講求要有私隱，但很多人對藝人的私生活特別感興趣，很想知道誰正跟誰在拍拖，大部份的藝人愛將感情低調玩地下情。不過大美人關之琳則偏偏唱反調，認為時代不同所以大方表示拍拖定會公開，說：「點解唔可以話畀人知？」之之露晒口風，看來她與台富商的戀情快將浮面喇！
關之琳：「我會公開o架，反而地下情可能記者朋友冇興趣，哈哈！依家時代開放，點解唔可以話畀人知？」
模特兒李嘉慧：「我揀公開嘅，雖然我結咗婚，但以前同老公拍拖都唔會刻意隱瞞，成日出街都會畀記者朋友影到，但拍拖唔係衰嘢，唔需要收埋。」
楊千嬅：「如果關係穩定就會公開，不過我同丁子高嗰陣大家一知，就係公開結婚。」
鄭中基太太余思敏：「睇對方感受，如果關係穩定，唔會刻意收埋，但又唔會特登公開。」
名模姚書軼：「要睇自己另一半，不過如果未肯定就會地下情，玩玩下唔好公開，可能之後先再公開。如果另一半係有名氣，就更加唔會公開，要保護感情。」
混血名模Ana R. ：「我會盡量保守秘密，因為傳媒對眼會令二人關係改變，如果另一半唔係做娛樂，會影響到佢。而家呢個男朋友我會帶多啲出嚟，令佢舒服啲。」
麥浚龍：「我會選擇公開，因為拍拖唔係一個人嘅事，要睇番對方意願，拍拖都會講。」
Ball后薛芷倫：「我會揀地下情，費事啦，公開之後會節外生枝，除非感情已經去到好穩定先考慮公開。」