陳雅倫幫李思捷整蠱人
李思捷緋聞女友陳雅倫，昨日到無綫錄影節目《玩嘢王》，她矢口否認跟思捷拍拖，兩人廿年前在多倫多相識。早前雅倫獲邀幫手整蠱其他嘉賓，幸未有激嬲對方。
同場的思捷強調視對方為「家姐」，並解釋當晚只送喝醉的她歸家。對於節目最後一次錄影，他說：「啲人問點解唔玩佢，幫手玩人嘅演技可畀人欣賞，被玩嘅都睇到點執生，係三贏，節目、嘉賓贏，觀眾又開心。（敢唔敢玩鄭裕玲、汪明荃？）都想整蠱佢哋，但唔會令佢哋尷尬、唔開心。」另外，雅倫接受有線節目訪問時，笑言好友黃秋生堅信她的taste，絕不會揀思捷做男友，她讚思捷乖仔之餘亦希望追求者快出現，她亦想有人哄：「我鍾意成熟型，但鍾意我嘅人由90後到60幾歲都有。」