1988年亞姐亞軍曾小燕昨日錄影《亞姐百人》，她說：「我返澳門住咗12年，仔都12歲，冇同呢個圈聯絡好耐，好驚訝亞視點搵到我電話。（想復出？）唔啦，依家喺賭場做管理層，我個仔1歲時，已經同前夫分開咗，依家專心工作同湊仔，冇諗復出同感情事。（會否分享當年走光事件？）唔會，件事太耐，係個人生經驗，令我學識忍耐同面對。」
