王大業趁機問候舊愛

超雲前男友皮草業太子爺王大業昨被問及對超雲發表分手宣言一事，他表示看報後才知道：「都係嗰句，等佢返嚟你哋搵佢，我唔方便講說話。（之前傳你唔鍾意山聰？）係報道寫啫！我唔識佢，我係對事不對人。」王大業又稱與超雲分手後「再見亦是朋友」，會關心、問候對方，他說：「會問候（分手一事），有機會先，但冇乜事都唔會煩佢，等佢返香港先。」他說因兩人沒有太多共同朋友，故較少聯絡。