何守信昨日出席電台活動時稱不知有肥姐（沈殿霞）紀念演唱會：「冇人搵我，如果喺香港會去，畢竟同阿肥係老朋友。」有指肥姐紀念演唱會是助愛女鄭欣宜上紅館，何守信說：「阿肥生前對欣宜好大期望，呢個我對佢有意見，令欣宜好大壓力。」肥姐紀念演唱會的統籌Simon謝表示：「陸續邀請嘉賓，如果掛萬漏一唔好意思，欣宜嗰part都唔夠半個鐘，應該唔會構成太大壓力。」
