洪卓立濕身cool男獲封翻版權相佑
歌手洪卓立（Ken）今日在中環舉行新碟發布會，為了在專輯中塑造新形象，Ken邀請新加坡籍造型師「操刀」，利用黑白藍等冷色系的服裝，將自己打造成神秘而富有成熟感的「男神」，一向深受學生愛戴的Ken期望新look能助他開拓更多市場。
Ken又透露在拍攝封套期間，大玩濕身展露man爆一面，他笑言：「因為長期畀燈光曬住，我啲男人味標晒出嚟，要不停抹汗。」另外，造型師又直指Ken與韓星權相佑相似，還把二人的相片合併放上微博，獲不少粉絲的回應。此外，新碟還邀得鍾欣桐及農夫的C君一同合作。
唔介意被惡搞
而Ken昨日在電台宣傳時，對於新碟封套慘遭網民惡搞加上生死年，「睇化咗」的Ken坦言：「唔會唔開心，都咁多年喇，開心咪改囉，我又唔會痛嘅。」談到出碟心情，Ken自爆身邊多了一個經理人，他說：「我媽媽仲緊張過我，試過訂二百隻碟拎返內地畀親友，又會幫我宣傳，當我畀人話時又幫我澄清，我寧願佢放時間打吓牌。」至於可會送給女友湯怡？Ken就扯開話題說：「會送畀任何一個人，希望大家都有共鳴。」
文：音樂組