周家蔚搣甩贅肉重拾自信
周家蔚產後體重達150多磅，看見脹爆唔開胃身形，令她失去自信，故坐月後即努力減肥，花了個半月時間減去20多磅贅肉，逐漸回復昔日身段。
藝員周家蔚在一月為洪天明誕下愛兒洪大仁（TJ），最近忙於將暴脹至150多磅的贅肉消滅，她笑說：「見到自己個樣都唔開胃，生BB後身形同以前差好遠，以前啲衫又着唔到，感覺好挫敗，自己未試過咁重，肥咗好論盡，冇晒自信。」
傷口作痛
由於周家蔚開刀分娩，故坐月過後傷口還感到有點作痛，所以她也不敢做運動減肥，身為Elancyl代言人的周家蔚靠控制飲食、塗纖體cream及到Beauty Clinic by Su進行纖體，她說：「經過個半月努力，依家減咗20幾磅，目標希望再減多10磅，咁就接近我以前嘅體重。」
問周家蔚老公天明可有為她減肥打氣？她說：「佢咪不停咁話我瘦咗啦，瘦咗好多啦，但有時會引我食嘢，不過佢係唔想嘅，我哋大家一向都鍾意食嘢，我哋撻着拍拖都係因為食嘢，我都有叫佢唔好引誘我食嘢。」
B仔愛笑
周家蔚生B後一直親手照料TJ，她說：「天明夜瞓啲，佢就負責夜更幫手照顧TJ，個仔都唔難湊又好鍾意笑，見到人就笑，如果你對住佢笑，佢直情會笑出聲。」
文：影視組