「賭神」發哥攝人魅力 阿澤興奮偷師
周潤發、謝霆鋒主演的王晶新片將於五月底開拍，近期忙爆的杜汶澤亦會演出一角，不過因阿澤工作太密仍未開始看劇本，結果被王晶埋怨！阿澤對此即時在社交網解釋，並指能跟「神級」演員發哥合作，未開工先興奮，更請教對方攝影心得。
導演王晶正籌備的新片《賭城風雲》預計五月底開拍，劇本已交到演員手中。不過，阿澤近期電影一部接一部，故仍未有時間看劇本，結果被王晶埋怨，更指發哥都看完劇本，但阿澤仍未開始睇！
未開拍先興奮
與王晶多年老友的阿澤即時處理「投訴」昨在Instagram留言：「親愛的肥哥哥，你的戲是五月底開拍，可是我在你開拍之前還有一部要拍的，而那個戲，我亦未看劇本呢！」阿澤還上載一張發哥賭神造型照片，直言能跟對方合作，現在已經開始興奮。
阿澤昨日接受電話訪問直言因發哥才接拍該片：「我接呢部戲為咗發哥，佢嘅《賭神》陪住我成長。我仲想向發哥請教佢嘅攝影心得，佢喺我心目中係攝影之神，好多專業攝影師都話唔夠佢嚟，好想向佢取經。」
投訴只係講笑
導演王晶則笑言跟阿澤很老友，所謂「投訴」只是普通說笑。提到新戲進展，他謂：「依家等緊審批，批咗嘅話，應該會五月尾開工，會喺香港、澳門以及內地取景。」
文：影視組