徐淑敏信主求平安
藝人徐淑敏（Suki）昨日出席品牌活動時被問到有否留意四川雅安地震，她表示剛信了主並會為災民祈禱：「我同老公噚（前）日去咗基督教教會活動，決咗志。」高皓正早前自爆為女藝人驅邪，嫌疑最大之一的Suki否認信主和高皓正有關，她再一次重申該女藝人不是她：「而且我同佢都唔係同一個教會，係啲教友邀請我同老公去飯敍，先會舉手決志。（信教係一時衝動？）唔係，求個平安。（為咗老公黃浩同曾志偉單案件？）冇諗個呢啲，有信仰會令人生圓滿。」
Suki未知是否因老公黃浩有太多是非纏身而困擾，她明顯又再瘦了一圈的，她坦言：「係呀，因為掛住做嘢。（老公心痛你？）佢笑我貨不對辦呀，因為上圍縮咗水，我覺得好hurt囉，不過佢都有叫我早啲瞓，同埋食多啲嘢。」