伍詠薇黃德斌聯手害雯女
無綫劇《金枝慾孽貳》大前晚播出，上集講到「如妃」鄧萃雯（雯女）奸到出汁，原來都是續集中的「淳太妃」伍詠薇虛構的謠言，為在宮中四圍收風、陷害如妃，她更招來「下人」黃德斌，豈料兩人日久生情而譜出「禁戀」。
伍姑娘首次跟雯女鬥戲，即被「如妃」的「戲」場嚇到有壓力：「入劇組見佢個造型已經成個如妃咁，佢一噏完啲對白，我就唔記得晒，變咗小學雞，打沉晒信心！之後佢哋畀好多支持、提點我，令我進入角色後演得好爽。」黃德斌則大讚該劇含崑曲內容富文藝色彩，他希望觀眾能耐心看下去：「睇開阿戚（戚其義）作品嘅人都會熟悉，我認為係畀觀眾多啲唔同嘅選擇。」