莫文蔚忙爆懶造人

莫文蔚（Karen）及雷頌德（Mark）昨日一同出席萬寶龍「Signature For Good 2013」慈善活動，其中Karen自爆與Mark認識多年，她說：「嗰時我都未入行，佢寫咗歌想搵人唱，佢搵咗我，之後有唱片公司聽咗就簽咗我喇！」
莫文蔚入行20周年，將會於十月後舉行巡迴慶祝演唱會及展覽。
莫文蔚入行20周年，將會於十月後舉行巡迴慶祝演唱會及展覽。

Karen表示今年入行20周年，將會於十月後舉行巡迴慶祝演唱會及展覽，而香港會是首站。問到會否將其過往經典造型如露股等再現人前？她笑說：「呢啲只可以露一次，同埋依家身世唔同咗喇！（咁忙咪冇時間造人？）我已經忘記咗喇，生BB係一世，要投入一輩子嘅精力！」她又指展覽屬慈善，她會把自己的珍藏拿出來拍賣，問到會否邀請以往緋聞男友錄恭賀說話？她尷尬地說：「未諗到，就算係都係講關於工作，唔會係私生活。」而同場的雷頌德被問到可認識日前車禍喪生的女歌手陳僖儀？他說：「我寫過一隻歌畀佢，覺得好可惜，佢係其中一個好有前途嘅新人！」

莫文蔚、雷頌德（右）及萬寶龍亞太區主席兼總裁詹兆安一起出席萬寶龍活動。
  • 莫文蔚、雷頌德（右）及萬寶龍亞太區主席兼總裁詹兆安一起出席萬寶龍活動。