葉翠翠買齊架生「包」辦早餐
不少女生都嗜吃甜品，近年便有不少女生喜歡自製心愛蛋糕及麵包，葉翠翠便是其中一位。翠翠一有時間便自製各款蛋糕，她從網上搜尋食譜，然後試製，然後改良再製，因此手勢愈來愈好。
翠翠說：「呢排我就經常整朱古力cheese cake，好多時我都會整朱古力生日蛋糕，喺朋友生日時送畀對方，對方收到時開心，我自己都感到開心、滿足。」
說到家中的焗爐，翠翠坦言最初是為了家中愛犬：「之前我都係用嚟整狗仔啲零食，後來就多咗整蛋糕，屋企都有麵包機，好多時我都會用自己整嘅麵包當早餐。」問到誰最常試她的手勢時，她坦言是父母，翠翠笑言：「爹哋、媽咪食得最多，不過媽咪都叫我唔好再整，因為食到爹哋個肚腩都有了。」
