謝天華扯火 促正視聽
藝人謝天華被內地經理人方X峰「冒認」為他的經理人，令天華佛都有火。除天華之外，此人更在微博稱黃宗澤和郭政鴻等無綫藝人也是他的「獨家簽約藝人」。謝天華太太Tina昨午在微博留言要求對方即時刪除有關資料，她說：「謝天華是電視廣播有限公司（TVB）旗下藝人，經理人是Amyga，敢問閣下何來獨家呢？為免產生不必要之誤會，麻煩你立即刪除貴博中不實資料，敬請合作，謝謝。」
方X峰隨即把微博名稱及頭稱改掉之餘，還把個人簡介由「獨家簽約藝人——謝天華、黃宗澤、郭政鴻」改為「TVB合作藝人——謝天華、黃宗澤、郭政鴻」。Tina明顯「唔收貨」，更怒轟對方「厚顏」：「閣下寧願改博名，換頭像，都不願更正不實資料，果然夠厚顏！」他始把微博簡介裏與TVB有關的藝人和字眼全部改掉。
刪除不實訊息
本報記者昨聯絡謝天華，談到他跟對方的關係，天華說：「之前我喺大陸做嘢，佢同我喺夜場影過合照，（佢話你係佢獨家簽約藝人？）我唔知佢會借我個名做啲咩，唔想人誤會，我咪搵人同佢聯絡，請佢刪除微博上不實嘅訊息囉。」談到會否採取法律行動追究？天華表示：「唔會，咁佢都即時改番，當係誤會啦，出面有無數公司同TVB合作o架啦！但寫到獨家，寫大咗啲，澄清番就算啦。」另記者聯絡方X峰，問謝天華是否其獨家簽約藝人？他說：「我公司同TVB有合作，只係誤會，我已經改掉。」而黃宗澤則表示並不認識對方。
文：專案組