峯語收錯祝福 「婚事」擺烏龍

林峯與19歲的吳千語不時被影到一同出街看電影，更在一個月內去了三次旅行，這對情侶愛得癡纏，非常甜蜜，林峯更不時帶女方出席朋友聚會，介紹千語給朋友認識，而千語亦見過對方家長，男方亦到適婚年齡，更不時被長輩催婚。昨日有位在謝偉俊中國法律事務中心的主任林律師在微博上載與二人甜蜜的合照，更寫上：「林峰（峯）、千語，祝福你們。」相中林峯穿上恤衫，千語打扮端莊，流露幸福笑容，而林律師企在二人後面。記者致電謝偉俊，問到林律師是否幫林峯與吳千語處理結婚事宜，謝偉俊表示：「唔會，因為林律師唔係處理結婚事務，佢負責中國法律，通常幫藝人搞內地工作。」最後只是一場美麗的誤會。

有信心唔怕小三

另外，吳千語前晚出席Chloe旗艦店開幕活動，千語一身白色打扮，問到男友鍾意她穿甚麼服裝？她甜絲絲表示：「淺色，啱我年紀。平時都有幫佢揀衫，鍾意佢着西裝，夠正式。（邊個貪靚啲？）我哋都唔算貪靚。」提到最近出現好多「小三」，會否（目及）實男友？她直言：「對佢有信心，佢好乖，叫佢唔好亂食嘢都聽我話，佢努力工作後就休息。（內地女仔好主動？）咁樣擔心會好辛苦。」問到會否怕男友與苟芸慧合作而傳緋聞？她表示不擔心，都只是工作上合作。

提到潘霜霜上載與男友相晒恩愛，千語表示有聽過，但不認識對方，亦只見過一次面，冇回應。她又謂自己不會上載相片到微博：「唔會post二人相，一大班人合照就有，平時都影得多，點會放上網。（影床照？）梗係冇，影風景有意義得多。」而潘霜霜昨又在微博大吐不快，與早前上載大晒恩愛的相，判若兩人，被網友問她是否失戀。

文：名人組