「男神」洪永城 嫌棄湯洛雯

洪永城連烽火大地也走過，今次偏偏是他首次踏足英法兩國，要由曾在英國讀書的湯洛雯帶路！Tony笑說：「通常啲要打仗、冇涼沖嘅地方先搵我去，今次算係比較歎。」

凍到冇得騷本錢

Tony與老拍檔黃翠如及Roxanne分途體驗英、法生活文化，學習製作朱古力及插花，過程看似簡單，卻考起首度主持的Roxanne，她說：「初時以為有稿跟，點知要自己諗，好彩得Tony教我度稿。唔好睇佢平時個樣傻傻吓，其實佢每次都做足功課，又教我要去融入當地人文化，講笑等我放鬆心情。」

李璧琦早前在旅遊節目穿上三點式出位，Roxanne直言沒有性感底線，不過法國實在太凍，包到實的她未能騷本錢。至於Tony則難忘品味「升呢」：「我啲fashion sense本來只係好過黃翠如少少，去完法國留意多咗點襯衫，依家我着件恤衫都會加條絲巾搭吓。（積極改造外形，想進軍『男神』行列？）永城ＢＢ？好喎！最估唔到係翠如都變咗ＢＢ，佢到依家主持旅遊節目仲好有火，每次都想交啲訊息畀觀眾。」

明冧拍檔陳茵媺

已加入《愛‧回家》劇組的Roxanne亦是潛力新女神，不過她笑言遭Tony嫌棄，皆因他在新劇《單戀雙城》女伴如雲，Tony解釋：「陳茵媺對眼好似識講嘢，望到我冧冧哋；林夏薇就畀好多演技意見畀我，但我望得最多嘅係陳展鵬，次次拍佢大頭，我都近距離研究佢表情變化偷師。」同是拍劇初哥的Roxanne自言仍需努力，講嘢比較快的她要日日讀報紙苦練。

文：影視組　

攝影：林蔚恩