婷婷世事難料珍惜身邊人
謝婷婷前晚出席內衣品牌活動時面容憔悴，她表示是因為近日有很多不愉快事情發生，包括波士頓馬拉松爆炸事件及陳僖儀（Sita）撞車逝世等，她坦言更珍惜人生，認為今日唔知明日事，要珍惜人生每一秒，因為幸福並非必然。
早前她曾暗示與男友安志杰感情亮紅燈，問她是否情變？她說：「之前已經講過，私人事唔想再講。（會唔會結婚？）我覺得咁樣唔係人生一個大改變。最近我經常發噩夢，見到親人同朋友都發生事，我好驚，驚醒之後就全身大汗，感覺好真實，我只想多啲陪身邊人係最寶貴。（叫男友快啲返港？）佢就快返。」她又指哥哥謝霆鋒拍戲不懂錫身。
此外，霍啟山緋聞女友Lea T.擔任模特兒，真空演繹透視內衣，並透出乳貼，十分惹火。