車車人望高處拒整容
RoadShow主持人張紫櫻（車車）日前到首爾拍攝旅遊特輯，十數年前曾踏足當地的她表示：「十幾年前，家姐因為我讀書成績好，帶我去漢城同濟州旅行，嗰時漢城都仲未改名首爾。不過嗰次返香港遇上颱風，飛機降落唔到，要折返濟州住多晚，超驚！所以嗰次之後，十幾年冇去韓國。」
今次再到韓國，車車坦言感覺新鮮：「今次係我第一次出埠工作，二來首爾好多嘢都好靚，好多謝公司畀機會我再認識韓國，我好想快啲再去。」她笑言留意到當地很多男女面部貼上膠布亦照出街，估計是整完容。問車車有否考慮整容？她笑言：「真係冇諗過，覺得冇需要囉！但我嫌自己矮，想增高多啲。」