鍾采羲恨床戰霆鋒
不少o靚模轉型踩入影圈另覓發展，「爆E超蓮」鍾采羲（Iris）今年亦跟隨大隊初登大銀幕，與周秀娜及杜汶澤鬥戲，拍戲拍上癮的她雖然於處女作中未有大膽戲份，但她直言不介意作大膽床戰，更希望把床戲留給偶像霆鋒。
鍾采羲今年首次踩入影圈，與性感女神周秀娜和杜汶澤合作拍攝電影，她笑言開心又興奮，更大讚娜姐非常親切︰「第一次見佢，之前聽好多人講話佢EQ好高，個人冇架子，但佢畀我預期中更加nice、更加親和同易話為，除咗教我做戲外，大家仲一齊討論戲中嘅鹹濕笑話。」
對於男主角杜汶澤，她同樣讚不絕口︰「佢係一個好專業嘅演員，又會教吓我做戲，作為新人，我有好多時唔識去表達，佢會教我，唔會覺得煩，所以好開心。」
力保三點
身材逼爆的Iris直言於戲中會性感上陣，但未有與男對手的親熱情節，她說︰「我覺得今次算係好彩，以一部笑片形式畀觀眾認識我，因為過往唔少model嘅第一套戲尺度都好大膽，要同啲男主角互動，但我接嘅係笑片，即使同杜汶澤有對手戲都唔係親熱嘅。」
提到電影性感極限，Iris直言現在可接受床戲，但要力保三點︰「我成日同自己講第一套戲唔想有床戲，或者三級嘅，因為第一套戲係畀人認識你，但如果之後嚟緊有啲類似機會，我都會考慮床戲。」問最想與哪位型男床戰？她笑說︰「好多o架，有時幻想同事實差好遠，我幻想嗰啲全部結晒婚咁滯，都係女仔鍾意嗰啲，謝霆鋒、吳彥祖同金城武囉！」
文︰專案組
攝︰劉智源
場地︰大力捧捧麻辣雞煲