曹永廉峇里湊女冇得威
曹永廉（阿廉）剛剛於印尼峇里出席「姨仔」姜依文的婚禮，阿廉一家四口與外父外母姜大偉、李琳琳及一班親友出席，玩了五日四夜猶如度假般，阿廉大讚當地環境好，十足電影中看到的場面：「喺個好靚嘅沙灘度行禮，好簡單，但感覺好好，大家唔使着西裝，之後就喺酒店食飯。」今次兩個小朋友同行，他身負重任要「湊女陪女瞓」故沒有玩得太夜，反而太太與囝囝就跳舞到凌晨。
之前因劇集《大太監》效應，阿廉在大陸有不少接job機會，月底他會初到橫店拍攝大陸劇搵真銀，阿廉是其中一個單元的男主角，希望此行與老友鄭嘉穎等一聚。