祥仔殺入AV界 挑戰加藤鷹

黎耀祥（祥仔）昨日率領無綫劇《神探高倫布》一眾演員，包括唐詩詠、馬賽及蕭正楠（Edwin）等出席假某室內近戰中心舉行的劇集宣傳活動，席間眾人大玩拗手瓜，祥仔與Edwin紮馬出力互鍊，二人更鬥得面紅耳熱，詩詠和馬賽則在擺甫拍照時，被司儀「大整蠱」突然喊開始，令邊笑邊拗手瓜的兩女哭笑不得，場面爆笑！

之後，眾演員進行「實地射擊」比賽，最後由馬賽和Edwin隊勝出，向落敗的祥仔與詩詠掃射「海綿子彈」當懲罰。不過，Edwin相當不文，先用槍瞄準祥仔下體高呼：「你生咗仔唔使驚！」嚇得祥仔以手掩住重要部位，兼用屁股「得」住他，但反被Edwin指：「唔好，一陣成支海綿入咗去！」結果，騷白滑美腿的詩詠慘成箭靶。

祥仔摷裙時的眼神被指意淫。	蕭正楠（左二）率領同劇演員，掃射祥仔下體。	馬賽被指在《神》劇內疑似飛釘。

提到劇中祥仔摷馬賽裙底捉曱甴一幕被指似拍AV，祥仔大呻：「觀眾仲話我眼神鹹濕，依家啲投訴有啲讚牛角尖，嗰幕點AV呀大佬！完全表達到我捉曱甴，一啲淫賤意識都冇！大家對號入座我哋好難避免。」他又笑言要進軍日本藝能界：「望一望就話AV，我有得去日本撈下！（捉曱甴挑戰加藤鷹「神之手」？）拍番個《鹹濕捉曱甴》冇得頂！」對於收視未如理想，祥仔解釋最近轉了新調查公司，故計算收視的數據方法不同。

馬賽疑似飛釘

前晚於《神》劇以紅衣女鬼look登場的詩詠，笑言朋友紛紛傳短訊稱恐怖，她又透露稍後劇中有穿低胸跳艷舞的戲份。另該集身穿Deep V裙的馬賽，被網友發現疑真胸不慎「飛釘」，性感非常！

文：影視組