祖兒膺榜中榜歌后
【曹家誠澳門直擊】一眾中港台巨星包括容祖兒、陳奕迅、古巨基、蔡依林及羅志祥等，昨晚雲集澳門威尼斯人酒店出席《第十七屆全球華語榜中榜音樂大典》，祖兒當晚勇奪「最佳女歌手（香港）」，為香港歌手爭一口氣；而蔡卓妍（阿Sa）則自爆練習跳水時撻到變鍾無艷。
昨晚假澳門威尼斯人酒店舉行的《第十七屆全球華語榜中榜音樂大典》星光熠熠，由天后容祖兒、陳奕迅（Eason）、古巨基、莫文蔚及林峯等組成的香港隊，力撼由蔡依林、羅志祥、楊丞琳、王心凌及蕭亞軒等領軍的台灣幫，以及那英、李代沫、李宇春等內地歌手和過江龍韓國組合KARA。
穿豹紋外套現身的祖兒猶如女版MJ，昨晚奪「最佳女歌手（香港）」獎，為香港歌手爭一口氣，她在台上領獎時說：「獎座很漂亮、很有趣。看到獎座上的公仔，想起我以往的電影造型。」
古巨基奪歌王
以黑白雙煞look現身的Twins表示剛從北京趕過來，早前發燒的蔡卓妍（阿Sa）透露病情已好轉：「好番好多，雖然冇睇醫生，但嘔完就退燒。」阿Sa早前參加跳水節目，更自爆練習時受傷慘變鍾無艷：「之前喺北京練跳水整親條頸，都有少少痛，不過唔嚴重，反而左邊面跳水時爆咗微絲血管，搞到左邊面紅卜卜，好似鍾無艷。」昨晚Twins奪「最受歡迎組合（港台）」獎，古巨基則奪「最佳男歌手（香港）」。
陳奕迅避飛債
演唱會狂加場但門票仍供不應求的Eason壓軸行紅地氈，記者笑指他避「飛債」避到澳門，問他可會再添食？他說：「唔會啦，唱咁多場好攰，（囡囡老師叫你幫手？）依家學校好敏感，諗緊辦法解決，個老師都係想自己睇，自己疏忽，冇留意。」
林峯則獲兩個大獎，談到舊愛潘霜霜在微博晒激咀新男友相，疑似向他示威，阿峯說：「唔答啦，唔關我事，（替佢開心？）答完唔答啦。」問到他有份演出的電影《忠烈楊家將》贏盡口碑但票房普通，他說：「內地上映場次唔夠多，但口碑好好，我之前喺橫店拍戲見當地戲院人頭湧湧。」另外，為紀念張國榮離世10周年，大會加插特別環節悼念他。