錄音訪問曝光！ Sita自嘲苦命
昨日有電台播出Sita生前未出街的錄音訪問，醉心音樂的她話題離不開最愛的歌唱事業，她先感激老闆黃柏高（Paco）的賞識，令她肯定自己：「因為Paco真係見過好多人，我偶像Kelly都係佢捧出嚟，所以我覺得Paco都話我OK，我諗我都應該真係OK咗喇！」對着Paco試音，是她有史以來最緊張的一次演唱：「手震腳震咁唱完嗰兩首歌，原本我對自己唱歌都有啲信心，點知佢話『仲有好多進步空間，再聯絡你啦』。後尾佢來竟然真係有搵番我，嗰時我仲讀緊大學，所以佢就叫我讀埋（書）先再做（歌手）。」
成創作歌手因由
Sita表示因Paco一句話，令她走向創作歌手發展：「佢問我有冇學樂器，識唔識作歌，我話有學過彈琴，所以嗰年作咗好多首歌。第一首畀佢聽嘅歌係《忘川》，佢已經話『OK喎，繼續吖！』」去年3月，她推出第一隻碟，令她終感受到Paco對她的支持：「一直都以為Paco覺得我唔夠好，估唔到佢上台對我講嘅說話係咁支持。記得6月個演唱會，係有次佢打電話嚟話我隻碟賣得，有期就會幫我搞個演唱會。慶功時仲讚我唱得好咗好多，係有啲寒背，台風要再多啲經驗。」
訪問中Sita不忘為新碟賣廣告：「有隻歌我畀5隻手指推介，我真係好鐘意呢類型嘅歌，《蜚蜚》呢首歌係Paco專登飛去韓國幫我揀，話啱我呢啲苦命人唱。」