陳展鵬同蕭正楠唔啱玩

藝人陳展鵬昨日偕黃翠如出席復活節活動，有傳他與蕭正楠拍新劇《巨輪》時爭戲份，最終由冧掂高層的蕭正楠登上男一寶座，展鵬否認道：「冇啦，最緊要大家有付出、演到角色特質，拍劇要好團結。依家套套劇都有傳，可能冇女仔傳拍拖，就傳我同男仔。（佢冧掂高層？）我唔信呢啲，公司有架構、有計劃，唔會冧掂改戲份。」提到與小學同學蕭正楠由細鬥到大，他笑道：「唔會啦，佢好少玩乒乓波，佢鍾意踢波。」至於蕭正楠則強調不會因此事心存芥蒂。