秋峯Chok出父子情
「Chok王」林峯跟扮嘢高手鄭少秋繼10年前的無綫劇集《血薦軒轅》後，再於電影《忠烈楊家將》延續父子情。受訪當日，阿峯甫見「爸爸」秋官即拿出iPad播放新歌MV，讓秋官先睹為快，秋官亦大讚阿峯：「10年前同阿峯初次合作，佢打又博、騎馬又博，博都係Chok嘅一種！以前覺得阿峯拍打戲似發茅，但依家各方面都揮灑自如。」阿峯亦識做將「Chok王」美譽轉賜秋官：「嗰陣已經睇到秋官有幾Chok！秋官有套獨門劍法，揸劍揸得似劍客，令我一世受用。」
有指飾演楊六郎的吳尊以澎湃肌肉搶鏡，林峯強調七兄弟各有各精彩，「老竇」秋官則笑言七個仔同樣敬老：「我最抱歉係唔覺意用支鐵槍啄到吳尊同傅辛博，記得第一日埋位就係要拍佢哋趕去救我，已經凝聚到真感情，呢班仔真係好叻仔，我就簡單得多，一副死樣。」阿峯笑說：「死都要Chok！」