阿嬌舞足一晚 趾公出血
國藝影視與英皇電影出品的《葉問──終極一戰》昨日在商場展開宣傳活動，參演的鍾欣桐（阿嬌）、洪天明及周定宇出席。阿嬌透露與周定宇在片中扮演夫婦，其中一場共舞戲竟比武打戲更「傷身」，她笑說：「周定宇毫無跳舞天分，我哋跳咗成晚，跳到我隻腳趾公流血兼甩晒皮呀！」
5年來斷斷續續學詠春的阿嬌，原來曾想做武打女星，但不會跟喜歡功夫的男友對打：「我唔會同佢切磋，我驚佢插親我隻眼。」洪天明表示跟黃秋生打過才知他功夫了得，問他覺得父親洪金寶還是黃秋生較好打？他說：「我梗撐我老竇！不過佢依家年紀大咗，可能冇咁好打。囝囝大個會畀佢學功夫，但唔准佢撩事鬥非。」
