Kary尷尬 拒跟LuLu合照
與余文樂處於熱戀期的吳雨霏（Kary）昨日出席活動時，竟冤家路窄，碰上曾與樂仔流出情慾短訊的女模王璐瑤（LuLu），當記者要求二人合照時，Kary即尷尬拒絕：「都唔識，第一次見之嘛。」提到早前被《好報》獨家踢爆與樂媽「人肉速遞」到上海探樂仔班，Kary則大方承認與樂媽同遊上海：「係同auntie（樂媽）一齊去，auntie好好人，但想低調處理。」問樂仔有否提起前緋聞女友時，Kary說：「冇喎，兩個人一齊最緊要信任，咁先會開心。」記者即問Kary現時開不開心，Kary則冧爆點頭，認真sweet爆！
另一邊廂，身處上海拍戲的樂仔不忘隔空向Kary傳情，他前日在Instagram上載在窗上呵氣畫上「elephant（大象）」字樣的照片，並留下數個大象圖示。其實Kary在Instagram的個人簡介亦有寫上「I love elephants（我愛大象）」，今次樂仔認真做到出面！
