阿詩周圍咀女唔怕正印呷醋
公開「出櫃」的何韻詩昨日出席新碟簽名會，並宣布十月於紅館開騷，出席簽名會後她便飛到北京宣傳。提到日前「女友」鄧九雲以女主人身份現身音樂會打氣及招呼朋友，阿詩說：「咩女主人？我自己咪係女主人囉！我唔係女主人係咩？」記者隨即笑她是鄧九雲男友，阿詩沒好氣說：「我幾時變咗性唔知嘅點解？」
音樂會上，阿詩當着鄧九雲面跟嘉賓盧凱彤（Ellen）咀嘴，問擔不擔心對方呷醋？阿詩謂：「咩報道嚟o架？我成日都錫佢（Ellen），唔好咁緊張！（公開錫鄧九雲？）錫都錫你哋，我成日周圍錫人，冇人會呷醋。（補錫鄧九雲？）我學古天樂，唔係事實唔回應。（屋企補錫？）冇呀，乜都冇。」對好友容祖兒愛貓離世，阿詩表示有傳短訊慰問對方。
