王馨平支持：佢有選擇自由
與王賢誌（Vinci）分屬好友的王馨平和陸詩韻，對好友大談感情事均表支持。馨平謂：「呢個年代（睇同性戀）都好放開，唔係因為佢係我朋友先支持，佢有佢嘅選擇同自由。（打電話畀Vinci了解？）唔會啦！一向唔講私人事，同埋我唔八卦。」詩韻亦說：「我諗佢真係好開心先會有勇氣講出嚟同大家分享，最緊要佢自己開心，我一向都唔抗拒同性戀嘅朋友。」
富商趙世曾千金趙式芝早前公開宣布和同性戀人楊如芯註冊結婚，對於Vinci的行動亦非常支持，趙式芝說：「知佢掙扎咗好耐，諗咗好耐應該幾時講好。依家佢搵到自己嘅聲音同勇氣，踏出咗第一步，係值得嘉許。」
另外，與Vinci有老表關係的鄭嘉穎，其主演內地劇《葉問》播出後劣評如潮，更被網民列出三大罪狀。第一，嘉穎的動作場面欠缺說服力；第二，感情戲過多；第三，在粵語版中，嘉穎的角色非他親自獻聲。