阿叻揮桿過激 胸骨移位
陳百祥（阿叻）一直支持「麥當勞叔叔之家慈善基金」，連續16年參與其舉辦的慈善活動。前日早上11時，他與黃杏秀、苗僑偉、戚美珍在清水灣高爾夫球會參加「慈善高爾夫球賽」。雖然阿叻精神翼翼，但可能揮桿過激，他突然感到左胸口劇痛。忍痛完成賽事後，秀姑即送阿叻去睇骨醫，故未有出席黃昏時舉行的發布會及慈善晚會。
已回家休息的阿叻於電話中稱：「我去咗睇骨醫，醫生話我左胸骨移位，其實呢個係舊患，係我以前波同人肢體碰撞時被人撞到心口，可能打高爾夫球要扭身揮桿，令胸骨移位，冇乜大影響。（有冇嚇親秀姑﹖）佢見慣大場面，梗唔驚，仲歡送我去睇醫生。」
