官恩娜谷湯碗胸 阿爸「送嫁」
「華納一姐」歌手官恩娜（Ella）昨日在拳館舉行加盟華納記者會，寓意重返音樂擂台，身穿粉紅色tude dress的Ella勁谷湯碗胸，並腳踏耀眼的四吋高銀色高踭鞋上陣。各大廣播平台高層及型男周柏豪均有到場祝賀，相當威水！而Ella的鑽礦父親亦罕有地現身撐場，並開金口說：「今日好似嫁女！」Ella亦興奮得大叫：「我終於嫁得出！」父唱女隨，場面爆笑！
唔會同居
談到Ella早前被《好報》獨家踢爆原來家底豐厚，而最近更豪租15萬元豪宅，她謙虛說：「我係小康嚟o架咋，而且依家得我同狗仔住，我唔會同居o架。」另外，Ella又賣口乖說：「去年簽約時撞正打風，就好似強勢吹入一間擁強勁後盾的華納，同埋公司都有好多好好嘅歌手，真係好滿足。」提到有傳她加盟華納後得失無綫而慘遭冷落，Ella識做地說：「從來冇畀人cut戲，傳言嚟o架，好多無綫嘅藝人有祝福我，而且我要多謝樂易玲小姐！」
獲贈拳套
同場的柏豪就送上印有E（Ella）字的拳套給Ella，他又大讚說：「佢係好女仔，份人又隨和，又專業，又唔怕辛苦！」對於四大與無綫破冰，柏豪笑指：「婆婆在生時成日話見唔到我上電視，以為我冇工開仲問我夠唔夠錢使。」
文：音樂組