何佩瑜空姐look誘柏文
o靚模何佩瑜（Jeana）穿上Deep V背心出席旅遊網站啟動禮，向台下拋繡球玩遊戲時不自覺地輕騷「不倒胸」。Jeana全程被司儀取笑她與男友張柏文好事近，她一味甜笑照單全收，還自爆剛與柏文到吉隆坡旅行，更在飛機上向他送上「制服誘惑」賀生日！Jeana表示：「我趁佢瞓咗先至入廁所換咗套空姐服，佢見到都呆咗兼滴汗，但件衫其實唔算太過性感，費事畀空姐睇到眼超超啦！」
柏文早前在微博直呼Jeana做老婆，但Jeana表示柏文未有向她求婚，今次旅行亦非預支蜜月：「我希望Honeymoon可以去玻利維亞！我下個月先24歲，未有咁快住，起碼廿到『掹』先，今年接咗3齣戲，暫時工作至上。」